У свята Хросту Пана вернікі з Шаркаўшчыны пабывалі ў Лучаі PDF Печать E-mail
14.01.2015 08:54

1

Фотарэпартаж

У нядзелю 11 студзеня ў свята Хросту Пана вернікі з Шаркаўшчыны патрапілі ў касцёл святога Тадэвуша ў Лучаі.
“Прыгажэйшага касцёла ў бліжэйшай акрузе бадай што не знойдзеш”,- гаворыць парафіянка з Шаркаўшчыны Кацярына Сосна.


У святыні ўпрыгожаныя ёлкі з цудоўнай люмінацыяй ствараюць святочную атмасферу, там і яслі з Немаўляткам, побач свечкі ды фігуркі святых.

Святую Імшу ўпрыгожваў хор “Паланэз” з Мінску. Удзельнікі яго — сябры “Саюза палякаў на Беларусі”.
Вельмі цёпла сустракалі вернікі выступленне хору і пасля завяршэння літургіі.
Дапоўніў выступленні сталых артыстаў аркестр народных інструментаў хлопчыкаў і дзяўчынак з той жа суполкі. Пад іх музыку салістка Алеся Касач праспявала кампазіцыі: “Ave Maria”, “Молитва о покое”, “Рождество — это время любить”, беларускую народную песню “Купалінка” , “Мой родны кут”, польскую народную песню.
У святыні вернікі з Шаркаўшчыны адчулі асалоду ад Божай цеплыні і ласкі, лагоднай і нявымушанай атмасферы, якая там панавала.

Парафіяне з Шаркаўшчыны дзякуюць кс. Мікалаю Ліпскаму за цудоўную арганізацыю, а таксама Уладзіміру Клімзу, за магчымасць падарожжа.

 

Галоўная   Фотагалерэя   Гiсторыя   Кантакты   Мапа сайта 

Рыма-каталіцкая парафія Св.Тадэвуша Апостала ў в.Лучай Пастаўскага раёна

211852 в.Лучай, вул.Cадовая 10/1, Пастаўскі раён, Віцебская вобласць, Рэспубліка Беларусь

Тэл./факс: +375-29-803-78-44; e-mail: luchaitadeusz@gmail.com

Выкарыстанне матэрыялаў дазваляецца пры ўмове спасылкі на luchai.by

 

© 2012-2017 Парафія св. Юды Тадэвуша ў в. Лучай