Фэст Св.Андрэя Баболі PDF Печать E-mail
18.05.2013 00:00

 Фотарэпартаж Фэст Св.Андрэя Баболі

Свята, якое ў сэрцах.

18 мая ў лучайскім касцёле адбылося адно з галоўных парафіяльных свят — фэст Св. Андрэя Баболі. Яно прайшло з асаблівым размахам: сёлета спаўняецца 75 гадоў з моманту кананізацыі каталіцкага Святога.
Фэст сабраў нязвыкла вялікую колькасць вернікаў. Напачатку яны сабраліся на Святой Імшы, якую правёў запрошаны з Наваполацка госць — ксёндз Аляксандр Чайкоўскі. Пачалася ўрачыстасць з асвячэння фігуры апостала Якуба Старэйшага, усталяванага напярэдадні ля касцёла св. Юды Тадэвуша. Прадоўжылася — у глыбокіх філасофскіх развагах ксяндза Аляксандра пра пакутніцкую смерць Св. Андрэя Баболі. 

Падчас Імшы прысутныя даведаліся: Святы нарадзіўся у 1591 годзе ў Польшчы, вучыўся ў Вільні ў іезуіцкай і тэалагічнай акадэміях, у 1622 годзе стаў святаром. Служыў і працаваў у Нясвіжы, Бабруйску, Варшаве, Вільні, Пінску… 
16 мая 1657 года падчас вайны Расіі і Рэчы Паспалітай быў схоплены украінскімі казакамі і люта замучаны. Нягледзячы на катаванні, святар не адрокся ад ідэі еднасці хрысціян.
Андрэй Баболя лічыцца адным з нябесных апекуноў Польшчы і Беларусі, з’яўляецца галоўным заступнікам Пінскай рымска-каталіцкай дыяцэзіі.
Памяць мучаніка ўшаноўваецца і ў Лучаі — у яго гонар тут штогод ладзяцца фэсты. Сёлета на яго былі запрошаны яркія і таленавітыя госці з Шаркаўшчыны — артысты раённага Дома Культуры, хор ветэранаў працы "Надзея", цыркавы калектыў “Мара”, дзіцячы калектыў " Маленькая фея", Дом рамёстваў, клуб нацыянальнай кухні “Груца”, літаратурна-музычнае аб’яднанне “Світанак”, клуб “Жаночы час”. Ля касцёла дзейнічала імправізаваная мастацкая выстава з карцінамі мастакоў Віцебшчыны.
Выступоўцы з Шаркаўшчыны падаравалі вернікам песні, танцы, вершы, акрабатычныя нумары — адным словам, свята выдатнага настрою.

Іна СНЯЖКОВА.
Фотарэпартаж Альфрэда Мікуса і Карыны Радзюш

 

Галоўная   Фотагалерэя   Гiсторыя   Кантакты   Мапа сайта 

Рыма-каталіцкая парафія Св.Тадэвуша Апостала ў в.Лучай Пастаўскага раёна

211852 в.Лучай, вул.Cадовая 10/1, Пастаўскі раён, Віцебская вобласць, Рэспубліка Беларусь

Тэл./факс: +375-29-803-78-44; e-mail: luchaitadeusz@gmail.com

Выкарыстанне матэрыялаў дазваляецца пры ўмове спасылкі на luchai.by

 

© 2012-2017 Парафія св. Юды Тадэвуша ў в. Лучай