Сайт Лучайскага касцёла

Фотарэпартаж

Перыяд Божага Нараджэння ў Каталіцкім Касцёле вельмі багаты ў сваёй традыцыі, багаты ў перажыванні розных святаў і ўрачыстасцяў. Гэта час – калі чалавек у асаблівы спосаб адчыняе сваё сэрца для іншага. Шматлікія парафіі арганізоўваюць дабрачынныя акцыі, каб як мага больш людзей магло адчуць сапраўдную радасць Нараджэння Хрыста і Божую любоў. Таксама амаль паўсюдна існуе тарадыцыя прадстаўляць у касцёлах Батлейкі. Гэта яшчэ адзін спосаб данесці вестку ад нараджэнні Дзіцяці кожнаму чалавеку. Такія прадстаўленні дапамагаюць наглядна ўбачыць і перажыць радасць прыйсця Езуса на гэты свет. 

У парафіі святога Юды Тадэвуша ў Лучаі вернікі вельмі ўрачыста адзначылі Нараджэнне Хрыста. А вось на свята Аб’яўлення Пана, дзеці і моладзь парадавалі ўсіх прысутнах невялічкай тэатральнай пастановай ”Езус нарадзіўся, хадзем паклонімся Яму!”. Праз Батлейку яны прагнулі наблізіць кожнаму прысутнаму, той хвалюючы момант - Нараджэння Хрыста.
Святочны перыяд Божага Нараджэння неўзабаве скончыцца, але гэта атмасфера дабрыні і ўзаемнай цеплыні павінна застацца ў нашых сэрцах разам з Маленькім Хрыстом – Уцелаўлёным Богам.

с. Марына Брылёнак
фотарэпартаж Андрэй Мацур