| Урачыстасць Першай святой камуніі |
 |
 |
 |
| 10.06.2013 00:00 |
|
Фоторэпартаж Урачыстасць Першай святой камуніі 2 чэрвеня у Лучайскай парафіі адбылася ўрачыстасць Першай святой камуніі. Упершыню да сакраманту Эўхарыстыі прыступілі 9 дзяцей, якія 2 гады рыхтаваліся сястрой Марынай Брылёнак. Святая Імша распачалася з бацькоўскага багаслаўлення дзяцей перад дзвярыма касцёла. Пасля ўрачыста ксёндз пробашч Мікалай Ліпскі ўвёў дзетак у святыню. Падчас святой Імшы чытанні, псальм і малітву верных выконвалі дзеці і іх бацькі. Пры запаленых свечках аднавілі абяцанні хросту! Пасля прыняцца Цела Езуса да сваіх сэрцаў – адбылася працэсія вакол святыні. Напрыканцы святой Імшы дзеці падзякавалі ўсім , хто прычыніўся да правядзення свята: ксяндзу пробашчу, сястры Марыне, бацькам, родным і знаёмым. Дарагія дзеці! Сёння Вы апранулі бялюткае ўбранне – ступаеце так акуратана, каб яго не запляміць! Такія ж чыстыя сёння і вашы душы! Жадаю ісці па жыцці так, каб і яны заставаліся незабруджанымі грахамі! У добры шлях! Алена Клімза Фота Альфрэда Мікуса
|
