Сайт Лучайскага касцёла

Згодна з традыцыяй нашых продкаў, апошні тыдзень Карнавалу павінен быць найбольш радасным і багатым на розныя забавы, прысмакі, бо наперадзе чакае Вялікі пост. Даўней, напярэдадні Пепельнай Серады закідвалі цымбылы, скрыпку, гармонік дзесьці на шафу, каб пасля саракадзённага посту з большай радасцю ізноў танцаваць, спяваць.

Свята "Мiкалайкі" стала ўжо традыцыйным у Лучайскай парафіі. Шаноўны госць – святы Мікалай, завітаў ў касцёл у Лучаі і ў навакольныя капліцы ў Старым Двары, Навасёлках і Цешалаве. 

Святая Імша ў Лучайскай святыні адбылася ў інтэнцыі пробашча Мікалая Ліпскага з нагоды імянінаў. Святар з удзячнасцю узгадаў і тых людзей, якіх добры Бог ставіць на яго шляху і , безумоўна, сваіх бацькоў, якія працуюць на карысць парафіі. 

29 кастрычніка Лучайская парафія святога Юды Тадэвуша, Апостала святкавала адпустовую ўрачыстасць у гонар свайго нябеснага апекуна. Сёлета святыня адзначае 250-годдзе заснавання. Варта нагадаць, што ў 1766 годзе пачалося будаўніцтва велічнага касцёла ў стылі пераходным ад барока да класіцызму. 

Пілігрымка ў Год Міласэрнасці і па слядах Францыска Скарыны адбылася з 20 па 30 верасня. Арганізаваў яе ксёндз Мікалай Ліпскі – нястомны вандроўнік. Дарэчы, гэта ўжо пятая пілігрымка па-за межамі Беларусі, якую ажыццявіў пробашч Лучайскай парафіі. Крыху статыстычных дадзеных- за 10 дзён вандроўкі па святынях і месцах, звязаных з нашым першадрукаром-было наведана 8 гарадоў. Удзельнічала 29 чалавек, на чале з ксяндзом Мікалаем і гідам Аляксеем Шэінам. На спідометры камфартабельнага аўтобуса – 6,5 тысяч кіламетраў. 

 21 жніўня, у перадапошнюю нядзелю вакацый, Лучайская святыня сабрала пад свае скляпенні школьнікаў, студэнтаў, настаўнікаў, бацькоў, каб з Божым бласлаўленнем і малітвай распачаць новы навучальны год. 

23 ліпеня Лучайская парафія святога Юды Тадэвуша, Апостала, сабрала шматлікіх вернікаў, сяброў, гасцей, артыстаў, каб разам адсвяткаваць доўгачаканую падзею — 250-годдзе заснавання святыні і адпустовую ўрачыстасць святой Ганны.