29.10.2013 00:00 |
28 кастрычніка каталіцкі свет узгадвае святога апостала Юду Тадэвуша. Лучайская святыня носіць тытул гэтага святога, і штогод там ладзяцца фэсты ў гонар нябеснага заступніка. Сёлета гэта адбылося 26 кастрычніка.
Лучаю пашчасціла двойчы. Упершыню — амаль два з паловай стагоддзі таму, калі нябесным апекуном парафіі быў абраны апостал Юда Тадэвуш. Гэтага святога Бог надзяліў ласкай дапамагаць тым, хто страціў надзею і знаходзіцца ў роспачы, і дапамагаць у справах, з якіх, здаецца, няма выйсця. Другі раз пашчасціла, калі ў 2007 годзе ў парафіі распачаў святарскае служэнне малады ксёндз Мікалай Ліпскі. За кароткі час яго намаганнямі Лучай ператварыўся ў сапраўдны аазіс духоўнага і культурнага жыцця Пастаўскага краю.
|
09.10.2013 00:00 |
1 кастрычніка 2013 г. Святы Айцец Францішак далучыў да ліку сваіх капеланаў кс. Аляксандра Рагіню, святара Віцебскай дыяцэзіі, уражэнца Лучайскай парафіі, які з 2010 г. знаходзіцца на дыпламатычнай службе Святога Пасаду.
|
15.09.2013 00:00 |
Фотарэпартаж
7 верасня 43 паломнікі з Лучая, Шаркаўшчыны і раёна адправіліся ў падарожжа, каб наведаць сакральныя мясціны нашай краіны — Нясвіж, Мір, Івянец. А арганізаваў такую пілігрымку наш зямляк ксёндз Лучайскага касцёла Мікалай Ліпскі. Дарэчы, на працягу ўсяго падарожжа ён быў з намі. Разам з гідам яны імкнуліся азнаёміць з мясцінамі прыгожай, цудоўнай краіны і стараліся, каб гэта падарожжа стала для кожнага цікавым і запамінальным, каб мы зразумелі, наколькі багатая гісторыя нашай радзімы.
|
03.09.2013 00:00 |
Супольная малітва за школьнікаў ды студэнтаў прайшла ў касцёле Святога Юды Тадэвуша ў вёсцы Лучай 1 верасня. Гэта ўжо чарговая адмысловая св. Імша, што ладзіцца ў Лучаі на пачатку навучальнага года. Пасля св. Імшы пробашч касцёла ксёндз Мікалай Ліпскі асвяціў школьныя прыналежнасці, якія прынеслі вучні з навакольных школаў.
|
28.07.2013 00:00 |
27 ліпеня адбыўся Фэст у гонар сьвятой Ганны ў Лучаі Урачыстую Імшу ўзначаліў кс. Аляксандр Рагіня, прадстаўнік Апостальскай Нунцыятуры ў Казахстане. Музычнае суправаджэньне стварыў хор “Fiat” з мёрскай парафіі. Пасля сьвятой Імшы ў парафію былі перададзеныя рэліквіі сьвятога Андрэя Баболі. Паводле добрай традыцыі Лучая, завяршыўся фэст канцэртам.
|
01.07.2013 00:00 |
30 чэрвеня 2013 года па запрашэнню ксяндза Мікалая Ліпскага, пробашча касцёла ў Лучаі, удзельнікі Руху END “Notre- Dame” разам з нашым духоўным дарадцам ксяндзом Андрэем Сіповічам прынялі ўдзел у святочных мерапрыемствах, прысвечаных Дню сям’і.
Менавіта такое мерапрыемства праводзіцца ў Лучаі ў другі раз і становіцца традыцыйным. У касцёле прысутнічала шмат сямейных пар, у тым ліку і юбіляраў, якія аднавілі свае шлюбы і прынялі шчырыя віншаванні ад святароў і ўсіх парафіянаў.
|
|
|
|
Страница 9 из 12 |